काठमाडौं– नेपाल आयल निगमले निगमबाट प्रमाणीकरण भएका तथा बजारमा प्रचलनमा रहेका ग्यास सिलिन्डरमा मात्रै खाना पकाउने ग्यास बिक्री गर्न उद्योगी तथा विक्रेतालाई निर्देशन दिएको छ ।

निगमका अनुसार २०८० सालसम्म बजारमा करिब एक लाख ५४ हजार ग्यास सिलिन्डर प्रयोगमा थिए । यसबाहेक थप १६ हजार सिलिन्डर बजारमा रहेको अनुमान गरिएको छ ।

पछिल्ला केही महिनायता बजारमा ग्यासको बिक्री वितरण सहज हुन नसकेको अवस्थामा नयाँ सिलिन्डर बजारमा ल्याउन सक्ने भन्दै निगमले उद्योगी तथा विक्रेतालाई सचेत गराएको हो ।

निगमले जारी गरेको परिपत्रमा १४ दशमलव २ किलोग्राम क्षमताको ग्यास सिलिन्डर बिक्री गर्ने व्यवस्था लागू भएपछि बजारमा माग बढेको उल्लेख गर्दै आपूर्ति सहज बनाउने नाममा उद्योग तथा विक्रेतामार्फत नयाँ सिलिन्डर बिक्री भइरहेको गुनासो आएको जनाएको छ ।

प्रकाशित समय : १७:३४ बजे