दाङ । दाङको आकासमा ठूला जहाज उडेको हेर्ने दङ्गालीका सपना अन्ततः ढिलै भए पनि पूरा हुने भएको छ ।

आर्थिक वर्ष २०८३/०८४ मा सङ्घीय सरकारले तुलसीपुरको टरिगाउँ विमानस्थलको निर्माण पूरा गर्न रु २५ करोड बजेट विनियोजन गरेपछि उनिहरुको सपना पूरा हुने विश्वास गरिएको छ ।

दाङको तुलसीपुर उपमहानगरपालिका–१२ स्थित टरिगाउँ विमानस्थल नेपालको पुरानो विमानस्थल हो । विमानस्थल विसं २०११ मा स्थापना भएको हो । अहिले पनि नियमित उडान हुन सकेको छैन ।

विमानस्थलको लम्बाइ करिब ७५० मिटर छ । धावनमार्ग सानो भएका कारण अहिले ठूला विमान अवतरण हुन सक्दैनन् ।

तुलसीपुर उद्योग वाणिज्य सङघका पूर्वअध्यक्ष विनिल केशीले लामो समयदेखि प्राविधिक र बजेटका समस्याले विमानस्थल निर्माण पूरा हुन नसकेको बताए ।

उनले “टरिगाउँ एयरपोर्ट केवल एउटा पूर्वाधार मात्र रहेन, यो स्थानीय राजनीतिको परीक्षाको केन्द्रसमेत बनेको छ”, भने ।

सांसद कमल सुवेदीले टरीगाउँ विमानस्थल निर्माण पूरा गरेरै छाड्ने प्रतिबद्धता व्यक्त गरे ।

प्रकाशित समय : १३:२५ बजे