इरानका सर्वोच्च नेता मोजताबा खामेनीले घोलामहोस्सेन मोहसेनी–एजेईलाई दोस्रो पाँचवर्षे कार्यकालका लागि न्यायपालिका प्रमुखमा पुनः नियुक्त गरेका छन ।

आइतबार इरानी सञ्चारमाध्यममा प्रकाशित आदेशमा सर्वोच्च नेता खामेनीले मोहसेनी–एजेईले पहिलो कार्यकालमा न्यायपालिकाको नेतृत्व गर्दै गरेको योगदानको प्रशंसा गरे ।

उनले आफ्ना पूर्ववर्ती अली खामेनीद्वारा जारी निर्देशन तथा जुनको अन्त्यमा आफूले व्यक्त गरेका भनाइले इरानको न्यायपालिकामा सुधारका प्रयासलाई थप प्रभावकारी बनाउने विश्वास व्यक्त गर े ।

जुन २८ मा जारी सन्देशमा सर्वोच्च नेता खामेनीले हालैको युद्धका क्रममा संयुक्त राज्य अमेरिका र इजरायलले गरेका भनिएका ‘अपराध’बाट प्रभावित इरानी नागरिकका अधिकारको संरक्षण र पुनःस्थापनाका लागि आवश्यक कानूनी प्रक्रिया अघि बढाउन न्यायपालिकालाई निर्देशन दिएको थिय । साथै, ती घटनाका सम्बन्धमा स्वदेशी तथा अन्तर्राष्ट्रिय अदालतमा गम्भीरतापूर्वक मुद्दा अघि बढाउनुपर्नेमा उहाँले जोड दिएको थिय।

मोहसेनी–एजेई पहिलो पटक सन् २०२१ को जुलाईमा न्यायपालिका प्रमुख नियुक्त हुनुभएको थियो । इरानको संविधानअनुसार न्यायपालिका प्रमुख नियुक्त गर्ने अधिकार सर्वोच्च नेतामा निहित छ ।रासस

प्रकाशित समय : ११:२० बजे