सर्लाही । सर्लाहीको गोडैता नगरपालिकालाई पूर्ण खोप सुनिश्चितता तथा दिगोपना पालिका घोषणा गरिएको छ । नगरपालिकाभित्रका लक्षित सबै बालबालिकाले राष्ट्रिय खोप कार्यक्रमअन्तर्गतका सबै खोप प्राप्त गरेको सुनिश्चित भएपछि सोमबार आयोजित एक कार्यक्रममा पालिकालाई औपचारिक रूपमा पूर्ण खोप सुनिश्चितता तथा दिगोपना पालिका घोषणा गरिएको हो ।

घोषणा कार्यक्रममा खोप कार्यक्रमलाई प्रभावकारी रूपमा सञ्चालन गर्न महत्वपूर्ण योगदान पु¥याउने तीन स्वास्थ्य संस्थालाई सम्मान गरिएको थियो । वडा नं. ४ स्थित स्वास्थ्य चौकी रोहुवा, वडा नं. ११ स्थित स्वास्थ्य चौकी सिसौटिया तथा वडा नं. ३ स्थित स्वास्थ्य चौकी सिमरा भगवतीपुर उत्कृष्ट स्वास्थ्य संस्थाका रूपमा सम्मानित भएका हुन् ।

त्यसैगरी, खोप कार्यक्रमको प्रवद्र्धन तथा स्वास्थ्य क्षेत्रमा सहयोग पु¥याएको भन्दै राष्ट्रिय रोजगार प्रवद्र्धन केन्द्र (आरआरपिके) र संयुक्त राष्ट्र विकास कार्यक्रम (यूएनडीपी) लाई पनि सम्मान गरिएको थियो ।

कार्यक्रमका वक्ताहरूले बालबालिकालाई विभिन्न रोगबाट सुरक्षित राख्न नियमित खोपको महत्वपूर्ण भूमिका रहेको उल्लेख गर्दै खोप कार्यक्रमलाई थप प्रभावकारी र दिगो बनाउन सबै पक्षको निरन्तर सहकार्य आवश्यक रहेको बताएका थिए । नगरपालिकाले पूर्ण खोप सुनिश्चितता तथा दिगोपनाको अवस्थालाई कायम राख्न नियमित अनुगमन, अभिलेखीकरण तथा जनचेतनामूलक कार्यक्रमलाई निरन्तरता दिने प्रतिबद्धता जनाएको छ ।

प्रकाशित समय : ०९:१९ बजे