काठमाडौं । नवीकरणीय ऊर्जा उत्पादनको तीव्र विस्तारसँगै चीनको ऊर्जा भण्डारण उद्योगले उल्लेखनीय प्रगति गरेको छ । देशभर सौर्य तथा वायु ऊर्जाको उत्पादन बढ्दै गएपछि चीनले यस वर्ष जलविद्युत्मा आधारित पम्प्प–स्टोरेज परियोजनाहरूको निर्माणलाई तीव्रता दिएको हो ।

मार्च महिनासम्म चीनको सञ्चालनमा रहेको पम्प्प–स्टोरेज जलविद्युत् क्षमता करिब ६७ गिगावाट पुगेको छ । साथै नयाँ प्रविधिमा आधारित ऊर्जा भण्डारण प्रणालीको विस्तार पनि द्रुत गतिमा भइरहेको छ ।

पूर्वी चीनको हुआइआन क्षेत्रमा निर्माण भइरहेको विशाल कम्प्रेस्ड–एयर ऊर्जा भण्डारण विद्युत् केन्द्रको दोस्रो युनिट हाल परीक्षण चरणमा रहेको छ । ग्रिडमा जोडिएपछि उक्त युनिटले लगातार चार घण्टासम्म तीन लाख किलोवाट ‘पीक–शेभिङ’ क्षमता उपलब्ध गराउने र क्षेत्रीय विद्युत् सञ्जालको सञ्चालनलाई थप लचिलो बनाउने अपेक्षा गरिएको छ ।

चीनको राष्ट्रिय विद्युत् प्रणालीका अधिकारीहरूका अनुसार यसले विद्युत् माग र आपूर्तिबीच सन्तुलन कायम गर्न महत्वपूर्ण भूमिका खेल्नेछ । चीनमा मार्च महिनाको अन्त्यसम्म सञ्चालनमा रहेका नयाँ प्रकारका ऊर्जा भण्डारण प्रणालीहरूको कुल क्षमता १४० गिगावाट नाघिसकेको छ, जसले देशको हरित ऊर्जा रूपान्तरण अभियानलाई थप गति दिएको बताइएको छ । सीसीटीभी

प्रकाशित समय : १०:२१ बजे