गृहपृष्ठ ट्रम्पले हटाए ओबामालाई बाँदरको रूपमा देखाइएको भिडियो
ट्रम्पले हटाए ओबामालाई बाँदरको रूपमा देखाइएको भिडियो
US President Donald Trump speaks with the media after signing a funding bill to end a partial government shutdown in the Oval Office of the White House in Washington, DC, February 3, 2026. The US House of Representatives passed a spending bill on Tuesday ending the four-day partial government shutdown sparked by Democratic opposition to funding for the federal agency carrying out President Donald Trump's immigration crackdown. (Photo by SAUL LOEB / AFP)
अमेरिकी राष्ट्रपति डोनाल्ड ट्रम्पले सामाजिक सञ्जालमा राखेको एक भिडियो हटाएका छन्, जसमा पूर्वराष्ट्रपति बाराक ओबामा र उनकी पत्नी मिशेल ओबामालाई बाँदरको रूपमा देखाइएको जातीय दृश्य समावेश थियो । उक्त भिडियो सन् २०२० को राष्ट्रपति निर्वाचनमा मतधाँधली भएको दाबीसम्बन्धी सामग्रीसँग जोडिएको थियो ।
भिडियो सार्वजनिक भएपछि तीव्र आलोचना सुरु भएको थियो । रिपब्लिकन सिनेटर टिम स्कटले यसलाई ‘ह्वाइट हाउसबाट देखिएको सबैभन्दा जातीय सामग्री’ भन्दै हटाउन माग गरेका थिए । अन्य रिपब्लिकन नेताहरूले पनि यसलाई आपत्तिजनक र अस्वीकार्य भनेका थिए ।
विवाद बढेपछि ट्रम्पको ‘ट्रुथ सोसल’ खाताबाट भिडियो हटाइएको ह्वाइट हाउसले जनाएको छ । एक अधिकारीका अनुसार उक्त पोस्ट गल्तीले एक कर्मचारीबाट पोस्ट भएको थियो । ह्वाइट हाउसले सुरुमा भने यसलाई ‘इन्टरनेट मिम’ भन्दै आलोचनालाई खारेज गरेको थियो ।
प्रकाशित समय : ०६:३५ बजे
