गृहपृष्ठ क्लाउडफ्लेयर डाउन हुँदा विश्वभरका वेबसाइटहरूमा देखियो समस्या
क्लाउडफ्लेयर डाउन हुँदा विश्वभरका वेबसाइटहरूमा देखियो समस्या
क्लाउडफ्लेयर नै डाउन आउँदा नेपालसहितका देशहरूमा सञ्चालन भइरहेको विभिन्न वेबसाइटमा समस्या आएको छ ।
मङ्गलबार अपरान्ह करिब ५ बजेपछि नेपालका अधिकांश सञ्चारमाध्यमका वेबसाइटमा समस्या आइरहेको छ । योसँगै सामाजिक सञ्जाल एक्स, स्पोर्टिफाईलगायत पनि डाउन छन् ।
क्लाउडफ्लेयरले एक सूचना जारी गरी मेन्टेनेन्सको काम भइरहेको भन्दै आवश्यक जानकारी प्रवाह गर्ने जनाएको छ । क्लाउडफ्लेयरले पीपीटी (टाहिटी) डेटा सेन्टरमा मर्मतको काम भइरहेको जनाएको छ ।
कम्पनीले मङ्गलबार १२ बजेदेखि चार बजे (यूटीसी) मा मर्मतको तालिका बनाएको छ । यो भनेको नेपाली समयअनुसार बेलुकी ९ बजेसम्मको समय हो ।
उक्त डेटा सेन्टर हुँदै चल्ने वेबसाइट रिराउट गरेर चलाइने भएकाले ल्याटेन्सी बढेर समस्या आउन सक्ने भन्दै क्लाउडफ्लेयरले सचेत गराएको छ ।
प्रकाशित समय : २०:५९ बजे
