रामेछाप । तिलगंगा सर्जिकल सामुदायिक आँखा केन्द्र रामेछापको आफ्नै भवन बनको छ ।

भिजन हिमालय फाउण्डेसन स्विजरल्याण्ड र तिलगंगा सर्जिकल सामुदायिक आँखा केन्द्र रामेछापको संयुक्त लगानीमा मन्थलीको तामाकोसी सेवा समिति परिसरमा आँखा केन्द्रको दुई तले भवन बनेको हो ।

कूल डेढ करोड रुपैँयाको लागतमा बनको भवनमा ५५ प्रतिशत लगानी भिजन हिमालय फाउण्डेसन स्विजरल्याण्डको रहेको आँखा केन्द्रका अध्यक्ष डा.सुमन कर्माचार्यले जानकारी दिए ।

नवनिर्मित भवनको भिजन हिमालय फाउण्डेसन स्विजरल्याण्डका उपाध्यक्ष डा. रोमन ग्रेम्जरले उद्घाटन गरे । भवन उद्घाटन अघि भएको प्रेस ब्रिफिङ कार्यक्रममा डा.रोमनले आफू सन् १९९६ मा पहिलो पटक नेपाल आएको बताउँदै त्यस यता तिलगंगा आँखा प्रतिष्ठानसँग मिलेर आँखा उपचार शिविर सञ्चालन गरेको बताए ।

फाउण्डेसनले आँखा उपचार केन्द्र स्थापनाको लागि पनि सहयोग गर्दै आएको उनले जानकारी दिए । कार्यक्रममा तिलगंगा आँखा प्रतिष्ठानका बाह्य कार्यक्रम संयोजक डा.मोहनकृष्ण श्रेष्ठले रामेछाप तिलगंगा आँखा प्रतिष्ठानले रामेछापमा तामाकोसी सेवा समितिसँग मिलेर २४ वर्षदेखि सेवा दिँदै आएको जानकारी दिए ।

नयाँ भवन बनेपछि सर्जिकल केन्द्रमा आँखाको अप्रेसन सहितको विशिष्ट सेवा सञ्चालन हुनसक्ने बताए । काठमाडौं बाहिर नुवाकोट र धादिङमा यस्तो भवन बनिसकेको जानकारी दिँदै उनले रामेछापको भवन काठमाडौं बाहिरको तेस्रो भवन भएको बताए ।

उनले तिलगंगा आँखा केन्द्रले आँखा स्वास्थ्यको क्षेत्रमा गरेको काम बारे जानकारी दिँदै रामेछापमा मात्र २४ वर्षका अवधिमा एक लाख बढी आँखाका रोगीलाई सेवा दिइसकेको बताए । तिलगंगाले आँखासँग सम्बन्धित मुख्य ६ वटा कार्यक्रम सञ्चालन गरेको जानकारी दिँदै उनले समुदाय स्तरसम्म आँखा उपचार सेवा पु¥याउन प्रतिष्ठानले काम गर्दै आएको जानकारी दिए ।

श्रेष्ठले आँखा उपचार सेवाको लागि प्रतिष्ठान पत्रकारसँग पनि मिलेर काम गर्न तयार रहेको बताए । उनले रामेछापका पत्रकारको निःशुल्क आँखा उपचारको लागि आवश्यक सहयोग गर्ने प्रतिबद्धता पनि व्यक्त गरे । नेपाल पत्रकार महासंघको जिल्ला शाखासँग सम्झौता नै गरेर सो कार्यक्रम सञ्चालन गरिने श्रेष्ठले बताए ।

प्रकाशित समय : १२:४९ बजे