सगरमाथा आरोहीहरूबीचको मैत्रीपूर्ण फुटबलमा नेपालले चीनको टोलीलाई हराएको छ ।

नेपाल र चीनबीच कूटनीतिक सम्बन्ध स्थापना भएको ७०औं वार्षिकोत्सवको अवसर र अन्तर्राष्ट्रिय सगरमाथा दिवस २०८२ को सम्मानमा भएको मैत्रीपूर्ण फुटबलमा नेपाली सगरमाथा आरोही टोलीले चीनलाई ४–१ गोलले हरायो ।

एन्फा कम्प्लेक्स सातदोबाटोमा भएको खेलमा नेपालको सगरमाथा फ्रेन्डशिप टिमले चीनको माउन्ट चोमोलोङ्मा टिमलाई हराएको हो । अल्पाइन स्पोट्र्स फेडेरेशन नेपालको आयोजना तथा अखिल नेपाल फुटबल सङ्घ (एन्फा) को प्राविधिक सहयोगमा मैत्रीपूर्ण फुटबल भएको हो ।

खेल हेर्न नेपालका लागि चिनियाँ राजदूत चेन सोङ, राष्ट्रिय खेलकुद परिषद् (राखेप) का सदस्य सचिव टङ्कलाल घिसिङ, एन्फाका अध्यक्ष पङ्कजविक्रम नेम्वाङ लगायतको उपस्थिति थियो ।

प्रकाशित समय : २०:०३ बजे