अख्तियार दुरुपयोग अनुसन्धान आयोगले आज त्रिभुवन अन्तर्राष्ट्रिय विमानस्थल कार्यालयमा छापा मारेको छ। प्रशासन स्रोतका अनुसार छापा मार्ने क्रममा केही व्यक्तिहरूलाई पक्राउ गरिएको छ।

यो रेड अनियमितता र भ्रष्टाचारसम्बन्धी उजुरीको आधारमा गरिएको बताइएको छ। पक्राउ परेकाहरूको पहिचान र उनीहरूमाथि लागेका आरोपबारे विस्तृत जानकारी हालसम्म सार्वजनिक गरिएको छैन।

अख्तियारले अनुसन्धानलाई तीव्र बनाएको र थप विवरण छिट्टै उपलब्ध हुने जनाएको छ।

यसअघि पनि त्रिभुवन विमानस्थलमा भन्सार, अध्यागमन र अन्य अनियमिततासँग जोडिएका घटनामा अख्तियारले कारबाही गर्दै आएको छ।

प्रकाशित समय : १७:२९ बजे