बैंक तथा वित्तीय संस्थाको मुद्दति निक्षेपमा नेपाल राष्ट्र बैंकले २० करोड रुपैयाँ लगानी गर्ने भएको छ । राष्ट्र बैंकले कर्मचारी सुरक्षण कोषमा रहेको २० करोड रुपैयाँ बैंक तथा वित्तीय संस्थाको मुद्दति निक्षेपमा लगानी गर्न लागेको हो ।

नेपाल राष्ट्र बैंकले कुल रकममध्ये १६ करोड रुपैयाँ वाणिज्य बैंकमा, ३ करोड रुपैयाँ राष्ट्रिय स्तरका विकास बैंकमा र बाँकी १ करोड रुपैयाँ राष्ट्रियस्तरका वित्त कम्पनीमा लगानी गरिने उल्लेख गरेको छ ।

त्यसका लागि इच्छुक बैंक तथा वित्तीय संस्थालाई ब्याजदर प्रस्ताव गर्न राष्ट्र बैंकले आह्वान गरेको छ । जसअनुसार बैंक तथा वित्तीय संस्थाले वैशाख २८ गतेसम्म ब्याजदर प्रस्ताव गर्नुपर्नेछ । यो मुद्दति निक्षेप २०८२ जेठ ५ गतेदेखि २०८३ जेठ ५ गतेसम्म ३६६ दिनका लागि हुने राष्ट्र बैंकले जनाएको छ ।

प्रकाशित समय : १७:२२ बजे