भारतको लोकप्रिय कार निर्माता किया इन्डियाले अप्रिल २०२५ मा पनि आफ्नो बिक्रीको वृद्धि कायमै राखेको छ । कम्पनीले घरेलु बजारमा २३,६२३ यूनिट बिक्री गर्‍यो, जुन अघिल्लाे वर्षकाे तुलनामा १८.३ प्रतिशतले बढी हाे ।

यसअघि अप्रिल २०२४ मा १९,९६८ यूनिट बिक्री भएको थियाे ।

कियाको बिक्रीमा सोनेट ८,०६८ यूनिटसहित पहिलो स्थानमा रह्यो, त्यसपछि सेल्टोस ६,१३५ यूनिटसहित दोस्रो स्थानमा छ । क्यारेन्सले ५,२५९ यूनिटसहित आफ्नो बलियो माग कायम राख्यो भने नयाँ लन्च गरिएको सिरोसले कुल बिक्रीमा ४,००० यूनिटको आशाजनक योगदान दिएकाे कम्पनीकाे भनाइ छ । प्रिमियम एमपीवी कार्निवल लिमोसिनले मासिक तथ्याङ्कमा १६१ यूनिट थपेकाे छ ।

चालू वर्ष २०२५ मा, सिरोसको सफल सुरुवातपछि किया इन्डियाले ग्राहकहरूबाट उत्कृष्ट प्रतिक्रिया पाएको छ, जसले गत वर्षको सोही अवधिको तुलनामा १६.२ प्रतिशत वार्षिक वृद्धि दर्ता गरेको छ।

प्रकाशित समय : २०:११ बजे