गृहपृष्ठ एन्फा महिला लिगमा आज दुई खेल हुँदै
एन्फा महिला लिगमा आज दुई खेल हुँदै
एन्फा महिला लिग फुटबलमा आजबाट दोस्रो चरणको खेल हुँदैछ । एन्फा कम्प्लेक्स सातदोबाटोमा जारी प्रतियोगितामा दोस्रो चरणअन्तर्गत आज दुई खेल हुने भएको हो ।
खेल दिउँसो साढे १२ बजेबाट सुरु हुनेछ । पहिलो खेलमा बागमती युथ क्लब र कोशी प्रदेशबीच प्रतिस्पर्धा हुनेछ । यस्तै अपराह्न सवा ४ बजे हुने अर्को खेलमा वालिङ नगरपालिका र कर्णाली प्रदेश भिड्नेछन् ।
यसअघि बुधबार भएको पहिलो चरणको अन्तिम खेलमा त्रिभुवन आर्मी क्लब विजयी भएको थियो । एन्फा कम्प्लेक्समै भएको खेलमा आर्मीले संकटा फुटबल क्लबमाथि ४–० गोलको फराकिलो जित निकालेको हो ।
प्रकाशित समय : १०:५७ बजे
