युरो कप : साविक विजेता इटाली बाहिरियो, स्विट्जरल्यान्ड र जर्मनी क्वाटरफाइनलमा
वि.सं.२०८१ असार १६ आइतवार ०७:०६
shares
Switzerland's midfielder #17 Ruben Vargas celebrates with teammates after scoring his team's second goal during the UEFA Euro 2024 round of 16 football match between Switzerland and Italy at the Olympiastadion Berlin in Berlin on June 29, 2024. (Photo by Ronny HARTMANN / AFP) (Photo by RONNY HARTMANN/AFP via Getty Images)
साविक विजेता इटाली युरो कप २०२४ को अन्तिम १६ बाटै बाहिरिएको छ । गएराति बर्लिनमा भएको खेलमा स्विट्जरल्यान्डले २–० गोलले पराजित गरेसँगै इटाली अन्तिम १६ बाटै घर बाहिरिएको हो । स्विट्जरल्यान्डका रेमो फ्रिउलार र रुबेन भार्गासले एक–एक गोल गरे । स्विट्जरल्यान्डले क्वाटरफाइनलमा इङ्ल्यान्ड र स्लोभाकिया बीचको खेलको विजेतासँग खेल्नेछ ।
यसैबीच घरेलु टोली जर्मनी युरोकप २०२४ को क्वाटरफाइनलमा पुगेको छ । अन्तिम १६ को खेलमा डेनमार्कलाई २–० गोलले पराजित गर्दै जर्मनी क्वाटरफाइनलमा पुगेको हो ।
जर्मनीले क्वाटरफाइनलमा स्पेन र जर्जियाको विजेतासँग खेल्नेछ । अन्तिम १६ का खेलअन्तर्गत आजराति इङ्ग्ल्यान्ड र स्लोभाकिया तथा स्पेन र जर्जिया खेल्नेछन् ।

























