काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

बालकुमारी घटनामा दुई जनाको मृत्यु भएको विरोधमा अनेरास्ववियुले गर्‍यो प्रदर्शन

6.41K
shares

रोजगारी अनुमति प्रणाली (ईपीएस) परीक्षाको विषयलाई लिएर भएको प्रर्दशनका क्रममा दुई जनाको मृत्यु भएको विरोधमा अनेरास्ववियुले प्रदर्शन गरेको छ ।

शुक्रबार साँझ प्रदर्शनीमार्गमा नेकपा एमाले निकट विद्यार्थी संगठन अनेरास्ववियुले प्रदर्शन गरेको हो । रोजगारीका लागि आवेदन माग गर्ने युवालाई सरकारले गोली हानेको भन्दै विद्यार्थी संगठन विरोधमा उत्रिएको हो ।

अनेरास्ववियुका अध्यक्ष समिक बडालले युवाहरुमाथि बर्बर दमन भएको र दुई युवाले ज्यान गुमाउन पुगेको बताए । उनले सरकारको गलत नीतिले युवाहरु विदेशीन बाध्य भएको र विदेश गएका युवाहरुकै कारण मुलुकको अर्थतन्त्र चलेको जिकिर गरे । उनले युवाहरुको हत्याको भत्र्सना गर्दै दोषीलाई कारवाही गर्न माग गरे । उनले गिरफ्तार गरिएका युवाहरुको पनि रिहाइको माग गरे ।

बालकुमारीमा ईपीएस परीक्षाका लागि आन्दोलन गर्ने क्रममा प्रहरीसँगको मुठभेडमा दुई विद्यार्थीको मृत्यु भएपछि सर्वत्र सरकारको विरोध भइरहेको छ ।