मनसुनी प्रणाली कमजोर हुँदा केही दिन ठूलो पानी पर्ने सम्भावना नरहेको मौसमविदले जनाएका छन् ।

हाल मनसुनको न्यून चापीय रेखा पश्चिम नेपालतर्फ सरदर स्थानको आसपास रहेकाले र भारतको मध्य प्रदेश र आसपासमा रहेको न्यून चापीय क्षेत्रको आंशिक प्रभाव रहेकाले पूर्वको तुलनामा पश्चिम नेपालमा भने धेरै पानी परेको छ । भोलि (सोमबार) राति पनि पश्चिम नेपालका धेरै स्थानमा पानी पर्ने मौसमविदको प्रक्षेपण छ ।

तर देशैभर कभर गर्ने गरी ठूलो सिस्टम आउने दुई–तीन दिनसम्मलाई देखिँदैन । मनसुनको न्यून चापीय रेखा पूर्वी नेपालतर्फ सरदर स्थानको दक्षिणमा अवस्थित छ । त्यसैले पूर्वी नेपालमा भने कम पानी परेको छ ।

मनसुनी रेखा सरदर स्थानभन्दा जति उत्तरतिर सर्यो, नेपालमा त्यति धेरै पानी पर्दछ । मनसुनी रेखा तत्काल नेपालतिर सर्ने सम्भावना नदेखिएको मौसमविद बिनु महर्जन बताउँछिन् ।

प्रकाशित समय : ०७:३८ बजे