समता घरेलु लघुवित्त वित्तीय संस्था लिमिटेडले गत आवको चौथो त्रैमासिक वित्तीय विवरण सार्वजनिक गरेको छ ।

उक्त वित्तीय विवरण अनुसार कम्पनीले गत आवको चौथो त्रैमाससम्ममा ५ करोड ७४ लाख नाफा कमाएको छ । यो नाफा अघिल्लो आवको चौथो त्रैमासको तुलनामा भने करीब २९ प्रतिशतले कमि आएको हो ।

अघिल्लो आवमा कम्पनीले ७ करोड ९७ लाख नाफा कमाएको थियो । गत आवमा कम्पनीको सञ्चालन नाफा ऋणात्मक रहेकाले र खुद ब्याज आम्दानी घटेकाले नाफा प्रभावित भएको हो ।

अघिल्लो आवमा कम्पनीको सञ्चालन नाफा ४ करोड १६ लाख धनात्मक रहेकोमा गत आवमा १ करोड ८८ लाख ऋणात्मक रहेको छ । त्यस्तै कम्पनीको खुद ब्याज आम्दानी अघिल्लो आवको तुलनामा गत आवमा १४ प्रतिशत कमि आएको हो ।

कम्पनीको चुक्ता पूँजी ३९ करोड १४ लाख रहेको छ । कम्पनीले गत आवमा जगेडामा १२ करोड ३६ लाख सञ्चिती गरेको हो ।

सो अवधिमा कम्पनीले १ अर्ब ४० करोड सापटि लिएर, ९८ करोड १४ लाख निक्षेप संकलन गरेर २ अर्ब ९० करोड भन्दा बढी कर्जा लगानी गरेको छ । कम्पनीको प्रतिशेयर आम्दानी १४ रुपैयाँ ५६ पैसा ,तरलता अनुपात ५ दशमलव २१ प्रतिशत र प्रतिशेयर नेटवर्थ १३१ दशमलव ३६ रहेको छ ।