मनकामना इन्जिनियरिङ्ग हाइड्रोपावर लिमिटेडले भोलिदेखि पहिलो चरणको आईपीओ निष्कासन गर्ने भएको छ ।

कम्पनीले आयोजना प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरूका लागि आईपीओ निष्कासन गर्न लागेको हो ।

कम्पनीले जारी पूँजी रू। ८० करोडको १० प्रतिशत दरको ८ लाख कित्ता आईपीओ कम्पनीले आयोजना प्रभावित क्षेत्रका स्थानीय बासिन्दाहरूका लागि विक्री गर्न लागेको हो । स्थानीयको शेयर खरीदका लागि दोलखाको गौरीशंकर गाउँपालिका वडा नं. ५, ६, ७ र ८, बिगु गाउँपालिका वडा नं। ४ र कालिञ्चोक गाउँपालिका वडा नं। ३ का बासिन्दाहरूले आवेदन दिन सक्नेछन् ।

त्यस्तै दोस्रो चरणमा सर्वसाधारण लगानीकर्तालाई विक्री गरिने शेयरमध्ये १० प्रतिशत दरको २ लाख कित्ता आईपीओ वैदेशिक रोजगारीमा रहेका नेपालीमा विक्री गर्न लागिएको हो । यो आईपीओ खरीद गर्न चाहनेले न्यूनतम १० कित्ताका लागि आवेदन दिन सकिने व्यवस्था छ ।

यो आईपीओ खरीदका लागि आयोजना प्रभावित क्षेत्रका स्थानीयहरूले अधिकतम १ लाख कित्ताका लागि आवेदन दिन सक्नेछन् भने वैदेशिक रोजगारीमा रहेका नेपालीहरूले अधिकतम ५० हजार कित्तासम्म माग गर्न पाउनेछन् ।

प्रकाशित समय : १६:१५ बजे