साफ च्याम्पियनसिपको तयारीमा रहेको नेपाली राष्ट्रिय फुटबल टिमले बिहीबार फिलिपिन्ससँग प्रतिस्पर्धा गर्दैछ। साफ च्याम्पियनसिपको कमजोर तयारीका बीच नेपाल तुलनात्मक रूपमा बलियो फिलिपिन्ससँग आफ्ना कमजोरी पत्ता लगाउने प्रयासमा मैदान उत्रिने छ ।

फिलिपिन्ससँग उसैको घरेलु मैदान रिजल मेमोरियल स्टेडियममा आज अपरान्ह ४ः४५ बजे सुरु हुने खेलमा उसलाई हराएर प्रारम्भिक आलोचनालाई मथ्थर गर्ने प्रयासमा हुने छ ।

नेपाल र फिलिपिन्ससँग सातौंपटक प्रतिस्पर्धा गर्न लाग्दा दोस्रो जितको प्रयासमा हुने छ । यसअघि भएका ६ भेटमा फिलिपिन्सले ४ मा जित निकाल्दा एक खेल बराबरी र अर्को एक खेलमा नेपालले जित निकालेको छ।

भारतमा हुने १४ औं संस्करणको साफ च्याम्पियनसिपको तयारीअन्तर्गत नेपालले फिलिपिन्ससँग प्रतिस्पर्धा गर्न लागेको हो ।

प्रकाशित समय : ११:१५ बजे