कर्णाली प्रदेशमा थप १८ जनामा कोरोना पुष्टि भएको छ । दैलेखमा १७ जना र कालिकोटमा १ जनासहित थप १८ जनामा कोरोना संक्रमण पुष्टि भएको कर्णाली स्वास्थ्य विज्ञान प्रतिष्ठान जुम्लाले जनाएको छ।

शनिबार कर्णालीका विभिन्न प्रयोगशालामा गरिएको परीक्षणमा कर्णालीका ७५ जना र बाजुराका १ जना गरी थप ७६ जनामा कोरोना संक्रमण देखिएको हो ।

भारतबाट आएका, सल्यान, दैलेख, कालिकोट र सुर्खेतका नागरिकहरुमा कोरोना पुष्टि भएको सामाजिक विकास मन्त्रालय कर्णाली प्रदेशले जानकारी दिएको छ । जसअनुसार दैलेख जिल्लाका थप १७ जनासहित ३२ जना, कालिकोट का १ सहित १८ जना, सल्यानका २५ जना, सुर्खेतका १ जना र कर्णाली बाहेक बाजुराका १ जनामा कोरोना पुष्टि भएको हो ।

कर्णाली स्वास्थ्य विज्ञान प्रतिष्ठान जुम्ला र कर्णाली प्रदेश अस्पताल सुर्खेत तथा पशुपंक्षी रोग अन्वेषण प्रयोगशाला सुर्खेतमा गरिएको पिसिआर परीक्षणमा उनीहरुको रिपोर्ट पोजेटिभ आएको हो ।

प्रकाशित समय : १६:४४ बजे