युनियन लाइफ इन्स्योरेन्स कम्पनीको विशेष साधारण सभा बुधबार सम्पन्न भएको छ । भैरहवामा सम्पन्न भएको सभाले युनियन लाइफ इन्स्योरेन्स, प्राइम लाइफ इन्स्योरेन्स र गुराँस लाइफ इन्स्योरेन्स एक आपसमा गाभ्ने/गाभिनेसम्बन्धी अन्तिम प्रस्तावहरूलाई पारित गरेको छ ।

मर्जरपश्चात् बन्ने जीवन बिमा व्यवसाय गर्ने कम्पनीको नाम हिमालयन लाइफ इन्स्योरेन्स कायम गरी सो नामबाट जीवन बिमा व्यवसाय सञ्चालन गर्नेसम्बन्धी प्रस्ताव समेत साधारणसभाले पारित गरेको छ । यसका साथै तिनबटै कम्पनीको शेयर अनुपात क्रमश: १ः१ः१ कायम गर्ने, एक आपसमा गाभ्ने/गाभिने सम्बन्धी कार्यको लागि गरिएको अन्तिम सम्झौता पत्र, सहमतिपत्र तथा अन्य भए/गरेका मर्जर सम्बद्ध सम्झौताहरूको अनुमोदन गर्ने निर्णय भएको छ ।

यसैगरी साधारणसभाले चल/अचल सम्पत्ति तथा दायित्व मूल्यांकन प्रतिवेदन तयार गर्नका लागि लेखापरीक्षक/मूल्यांकनकर्ताको नियुक्ति तथा पारिश्रमिकको अनुमोदन पनि गरेको छ ।

प्रकाशित समय : १५:३९ बजे