जलवायु परिवर्तनका मुद्दा साझा विषय : परराष्ट्रमन्त्री खनाल
लुम्बिनीका मुख्यमन्त्री गिरीले वैशाख ११ मा विश्वासको मत लिने
वि.सं.२०८० वैशाख ५ मंगलवार ११:२६
9.2K
shares
shares
लुम्बिनी प्रदेशका मुख्यमन्त्री लीला गिरीले वैशाख ११ मा विश्वासको मत लिने भएका छन् । माघ ५ मा पहिलोपटक विश्वासको मत लिएका गिरीले माओवादीसहितका साना दलले समर्थन फिर्ता लिएपछि दोस्रोपटक विश्वासको मत लिन लागेका हुन् ।
विश्वासको मत प्राप्त नभएमा संविधानको धारा १६८ को उपधारा ३ अनुसार दाबी गर्ने र त्यो अस्वीकार भए कानुनी व्याख्याका लागि सर्वोच्च अदालत जाने एमालेको तयारी छ ।
विश्वासको मत लिन वैशाख ९ मा बोलाइएको प्रदेशसभा बैठक मुख्यमन्त्री गिरीकै आग्रहमा वैशाख ११ मा सारिएको प्रदेशसभा सचिवालय स्रोतले बताएको छ ।
सरकारलाई समर्थन गरेका माओवादी, जसपा, जनमत, लोसपालगायत दलले चैत १२ मा विश्वासको मत फिर्ता लिंदै मन्त्री पदबाट पनि राजीनामा दिएका थिए । अहिले लुम्बिनी प्रदेश सरकारका १० मन्त्रालयमध्ये ९ एमाले र १ राप्रपाले लिएका छन् ।
