अर्थविद डा. स्वर्णिम वाग्लेले नेपाली कांग्रेस छाडेको घोषणा गरेका छन् । बिहीबार दिउँसो फेसबुक स्टाटस लेख्दै वाग्लेले पार्टी छाडेको घोषणा गरेका हुन् ।

‘वि. स. २०४२ सालको ‘सत्याग्रह’ र २०४६ को जनआन्दोलनदेखिको मेरो संलग्नता एवं ५० वर्षदेखिको पारिवारिक विरासत गाँसिएको नेपाली कांग्रेस पार्टीबाट अलग हुने निर्णय गरेको छु,’ वाग्लेले लेखेका छन् ।

पछिल्ला वर्षहरूमा कांग्रेसमा स्वाभिमानी कांग्रेसजनको शीर निहुरिने अवस्था आएको वाग्लेको टिप्पणी छ । ‘पछिल्ला वर्षहरूमा कांग्रेस पार्टीभित्रका गतिविधिहरू नियालेका प्रत्येक स्वाभिमानी कांग्रेसजनको शीर निहुरिने अवस्था आएको छ,’ वाग्लेले लेखेका छन्, ‘जननायक बीपी कोइराला, गणेशमान सिंह, सुवर्ण शमशेर र किशुनजीको ऐतिहासिक दल अहिले दाई-भाउजु-साला-भतिजको अक्षम गिरोहमा परिणत हुने क्रममा छ ।’

प्रकाशित समय : १७:३० बजे