कैलालीमा चार महिनादेखि काठ बिक्री ठप्प
बार्सिलोनालाई ९ अंकको अग्रता
वि.सं.२०७९ फागुन २९ सोमवार ११:३१
7.12K
shares
shares
एथ्लेटिको बिल्बाओलाई हराउँदै बार्सिलोनाले ला लिगाको शीर्ष स्थानमा ९ अंकको अग्रता कायम गरेको छ । बार्सिलोनालाई जिताउन रफिन्हाले निर्णायक गोल गरे ।
उनले पहिलो हाफको इन्जुरी समयमा गोल गर्दै बार्सालाई सुरूआती अग्रता दिलाएका थिए । उक्त अग्रता जोगाएको बार्सिलोनालाई जितका लागि पर्याप्त रह्यो । चोटबाट निको भएर टोलीमा फर्किएका बार्सिलोनाका शीर्ष गोलकर्ता रोबर्ट लेवान्डोस्कीले गोलको राम्रो मौका पाए पनि त्यसलाई सदुपयोग गर्न सकेनन् ।
यो जितसँगै बार्सिलोनाले दोस्रो स्थानमा रहेको रियल म्याड्रिडमाथि आफ्नो अग्रता थप बलियो बनाएको छ । रियलले शनिबार इस्पानियोललाई हराउँदै बार्सिलोनाको अग्रता ६ अंकमा छोट्याएको थियो । यी दुई प्रतिद्वन्द्वी आगामी आइतबार नाउ क्याम्पमा एल क्लासिकोमा भिड्दैछन् ।
पराजित बिल्बाओ सिजनको १०औं पराजयपछि नवौं स्थानमा झरेको छ ।
