सिटी एक्सप्रेस मनी ट्रान्सफर मुन्द्रेको कमेडी क्लबको मुख्य प्रायोजकको रूपमा रहने भएको छ ।

सो कार्यक्रम चैत्र २ गतेदेखि नियमित रुपमा सिटी एक्सप्रेस मुन्द्रेको कमेडी क्लबको नामबाट कान्तिपुर टेलिभिजनमा प्रसारण गरिने भएको छ र युट्युबमा ओएसआर डिजिटलबाट प्रसारण हुनेछ । सिटी एक्सप्रेस मनी ट्रान्सफरको कार्यलयमा मुन्द्रेको कमेडी क्लबका निर्माता कि इन्टरटेन्मेन्ट र सिटी एक्सप्रेस मनि ट्रान्सफरबीच मुख्य प्रायोजकमा सिटी एक्सप्रेस रहने सम्झौतापत्रमा हस्ताक्षर भएको हो ।

यस कार्यक्रमका मुख्य पात्रको रुपमा चर्चित हास्य कलाकार जितु नेपाल र नायिका प्रियंका कार्की रहेका छन् भने कलाकारहरू दमन रुपाखेती, राजेन्द्र नेपाली ‘लट्टे’, प्रभात लामा, दिनेश काफ्ले, श्याम राना, एलिना बास्कोटाका साथै अन्य कलाकारहरू पनि विभिन्न भागमा उपस्थिति रहनेछन् । कार्यक्रमको निर्देशन दिनेश डीसीले गर्ने भएका छन् ।

सिटी एक्सप्रेस मुन्द्रेको कमेडी क्लब हरेक बिहिबार बेलुकी ९ बजे कान्तिपुर टेलिभिजनमा प्रसारण गरिने भएको छ ।

प्रकाशित समय : १५:२१ बजे