नेपालका लागि सामसुङ इलेक्ट्रोनिक्सको आधिकारिक वितरक हिम इलेक्ट्रोनिक्सको सञ्जालअन्तर्गत रहेको कृष्ण कन्हैया अर्डर एण्ड सप्लायर्सले धनगढीकाे पुष्पलाल चोकमा नयाँ सामसुङ स्मार्ट प्लाजाको शाखा स्थापना गरेको छ ।

हिम इलेक्ट्रोनिक्सका भाइस प्रेसिडेन्ट प्रभाकर शमशेर थापा र कलाधर ठाकुर (कृष्ण कन्हैया अर्डर एण्ड सप्लायर्स)द्वारा २६ फागुनमा सो प्लाजाको उद्घाटन गरिएको थियो । सुविधा सम्पन्न यस सामसुङ स्मार्ट प्लाजा ग्राहकहरूको माग र आवश्यकतालाई गुणस्तरीय सेवामार्फत सम्बोधन गर्न प्रतिबद्ध छ ।

ग्राहकहरूले अब आफ्ना पुराना उपकरण र फोनहरू ल्याइ सामसुङको नयाँ उपकरणहरूसँग पनि साट्न सक्नुहुनेछ । यससँगै ग्राहकहरूले Hulas Fin Serve मार्फत सजिलै किस्ताबन्दीको सेवा पनि प्राप्त गर्न सक्नेछन् ।

साे सामसुङ स्मार्ट प्लाजाका सञ्चालक शिव शंकर ठाकुर रहेका छन् । उक्त अवसरमा प्लाजाका प्रबन्धक ठाकुरले धनगढीका ग्राहकहरूको बढ्दो मागको आपूर्तिका निम्ति सुविधा सम्पन्न सामसुङ स्मार्ट प्लाजा सञ्चालनमा ल्याइएको बताए ।

प्रकाशित समय : १३:२७ बजे