एभरेष्ट बैंक र बीवाईडीका विद्युतीय गाडीकाे अधिकृत बिक्रेता साइमेक्स इन्क प्रालिबीच फाइनान्स सुविधासम्बन्धी सम्झाैता भएकाे छ ।

सम्झाैताअनुसार बीवाईडीका विद्युतीय गाडी खरिदकर्ताले एभरेष्ट बैंकका सबै शाखाबाट ८० प्रतिशतसम्म फाइनान्स सुविधा पाउने भएका छन् । यो साझेदारीले सात वर्षसम्मका लागि विशेष प्रतिस्पर्धी ब्याजदरमा सहज फाइनान्स सुविधा पाउने बीवाईडीले जनाएको छ ।

अब ग्राहकले २० प्रतिशत मात्रै डाउनपेमेन्ट गर्नुपर्नेछ । भर्खरै सार्वजनिक भएको अटाे ३ पनि ग्राहकले १२.९८ लाख रुपैयाँमा खरिद गर्न सक्नेछन् भने ई६को लागि ११.८० लाख रूपैयाँ तिरे पुग्नेछ ।

एभरेष्ट बैंकले इच्छुक सवारीधनीलाई सात कार्यदिनभित्रै ऋणको व्यवस्थापन गर्नेछ । ऋण प्रक्रियाको शुल्कमा समेत छुट मिल्ने जनाइएको छ ।

प्रकाशित समय : १७:२५ बजे