महोत्तरीको बर्दिबास नगरपालिकास्थित तल्लो पाटुको विवादित जग्गालाई विद्यालयको संरक्षणमा ल्याइएको छ ।

पाटुस्थित जन जागृत माद्यामिक विद्यालयको नै स्वामित्वमा रहनेगरी वडाध्यक्ष विराट विष्टले १८ बिघा ६ धुर जग्गाको विवाद टुंग्याएका हुन् ।

लामो समयदेखी जोतभोग गर्दै आएको दावी गर्दै व्यक्तीले नै अधिग्रहण गरेको उक्त जग्गाको विवाद टुंग्याउदै वडाध्यक्ष विष्टले बुधबार नै स्थानिय कुमार प्रसाद घिमिरेको संयोजकत्वमा समिति समेत बनाएका छन् ।

विभिन्न व्यक्तीले अधिग्रहण गरेको उक्त जग्गामा पोखरी र सौन्दर्यकरण गरेर पर्यटनस्थल निर्माण गर्ने वडाध्यक्ष विष्टले जानकारी दिए ।

‘स्थानिय उपभोक्ता र विद्यालयले नै संरक्षण गर्दै आएको उक्त जग्गामा पार्कसमेत निर्माण गरि स्थानियहरुको लागि आयआर्जनको वातावरण सिर्जना गर्ने तयारी गरेका छौं,’ उनले भने ।

रातु नदिको तटिय क्षेत्रमा रहेको उक्त जमिन केही स्थानियहरुले फडानी गरेर वाली लगाइएको पाइएको छ । यो निर्णयसँगै मनलागी अतिक्रमण गर्ने स्थानियहरुमा समेत नियन्त्रण हुने विश्वास लिइएको छ ।

‘जस्ले अतिक्रमण गरेर उक्त जग्गामा वालीनाली लगाएका छन् । अब उनीहरुलाई हटाइनेछ,’ उनले भने ।

नगरमा नै  सवैभन्दा बढी बर्दिबास–३ मा भू–माफियाहरुको चलखेल बढेको विभिन्न तथ्यहरु सार्वजनिक भइरहेको बेला वडाध्यक्ष विष्टले लिएको पहलकदमीलार्इ निक्कै सकारात्मक रुपमा लिइएको छ ।

प्रकाशित समय : ०६:२६ बजे