गृहपृष्ठ इतिहासमा आजः लिस्वियन सन्धि कार्यान्वयनदेखि तेहरान सम्मेलन सम्पन्न

इतिहासमा आजः लिस्वियन सन्धि कार्यान्वयनदेखि तेहरान सम्मेलन सम्पन्न

इतिहासमा आजः लिस्वियन सन्धि कार्यान्वयनदेखि तेहरान सम्मेलन सम्पन्न

लिस्वियन सन्धी कार्यान्वयनमा

सन् २००९ मा लिस्वियन सन्धी कार्यान्वयनमा आएको थियो । युरोपेली मुलुकहरुको संविधानको आधारसमेत मानिने यो सन्धीलाई सन् २००७ मा १३ देशहरुले हस्ताक्षर गरेका थिए । लिस्वियन सन्धीले म्यास्ट्रिच सन्धी र रोम सन्धीलाई संशोधन गरेको हो ।

फ्रान्सबाट मध्य अफ्रिकी गणतन्त्र घोषणा

सन् १९५८ मा फ्रान्सको उपनिवेश उवांगी शारीले स्वायत्त भएको घोषणा गरेको थियो । त्यसको दुई वर्षपछि उसले स्वतन्त्र भएको घोषणा गरेको थियो । फ्रान्सबाट स्वतन्त्र भएपछि यसको नाम मध्य अफ्रिकी रिपब्लिक घोषणा गरिएको थियो ।

तेहरान सम्मेलन सम्पन्न

सन् १९४३ मा अमेरिका, बेलायत र सोभियत युनियनबीचको तेहरान सम्मेलन सम्पन्न भएको थियो । फ्रान्समा जर्मनीविरुद्ध दोस्रो मोर्चा र जापानविरुद्ध सोभियत युनियनको युद्ध घोषणासँगै तेहरान सम्मेलन सम्पन्न भएको थियो ।

व्रिटीश हाउस अफ कमनकी पहिलो महिला

नेन्सी एस्टर बेलायतको संसदको तल्लो सदन हाउस अफ कमनमा आबद्ध हुने पहिलो महिला हुन् । उनी सन् १९१९ मा निर्वाचित भएकी थिइन् ।

आइसल्यान्ड स्थापना

सन् १९१८ मा आइसल्यान्ड अधिराज्य स्थापना गरिएको थियो । डेनमार्कसँगको एउटा कानुनमा हस्ताक्षरपछि आइसल्यान्ड स्थापना गरिएको थियो । कानुनले आइसल्यान्डलाई डेनमार्कका साझा राजतन्त्रसहित डेनमार्कलाई सार्वभौम देशको मान्यता दिएको थियो । सन् १९४४ मा आइसल्यान्ड गणतन्त्र स्थापना नहुन्जेल आइसल्यान्ड अधिराज्य अस्थित्वमा थियो ।

प्रकाशित समय : ०८:०८ बजे

प्रतिक्रिया दिनुहोस्

सम्बन्धित शीर्षकहरु