गृहपृष्ठ अर्जेन्टिना र पोल्यान्ड नकआउट चरणमा

अर्जेन्टिना र पोल्यान्ड नकआउट चरणमा

अर्जेन्टिना र पोल्यान्ड नकआउट चरणमा

अर्जेन्टिना र पोल्यान्ड कतार फिफा विश्वकप २०२२ को नकआउट चरणमा स्थान बनाएका छन् । बुधबार राति भएको खेलमा पोल्यान्डलाई २–० ले पराजित गर्दै अर्जेन्टिना समूह ‘सी’ को विजेता बनेको हो । पोल्यान्ड पराजितका बाबजुद पनि उपविजेता बन्दै अन्तिम १६ मा स्थान बनाउन सफल भयो ।

दोहास्थित मैदान ९७४ मा अर्जेन्टिनालाई जिताउन ब्राइटनका एलेक्सिस म्याक एलिस्टर र म्यानचेस्टर सिटीका फरवार्ड जुलियन मार्टिनेजले समान एक एक गोल गरे । दुबै गोल दोस्रो हाफमा भएका थिए । पहिलो हाफको ३९औं मिनेटमा कप्तान लियोनल मेसीले पेनाल्टी चुकाएका थिए ।

खेलसँगै अर्जेन्टिनाले समुह ‘सी’ मा तीन खेलबाट ६ अंक जोडेको छ । पोल्यान्ड र मेक्सिकोको समान चार अंक भएपनि गोलअन्तरमा पोल्यान्ड उपविजेता बन्यो । साउदी अरेबिया भने तीन अंक सहित पुछारमा रह्यो । मेक्सिको र साउदीको समूह चरणसँगै प्रतियोगिताको यात्रा सकिएको छ ।

एकै समयमा भएको खेलमा मेक्सिकोले साउदीलाई २–१ अन्तरले पराजित गरेको हो । अन्तिम समयमा गोल बेहोर्दा मेक्सिको छनोट हुन सकेन । पहिलो खेलमा अर्जेन्टिनालाई २–१ अन्तरले पराजित गरेको साउदी बाँकी खेलमा पराजित हुँदा समूह चरणबाट माथि बढ्न सकेन ।

अब, प्रिक्वाटरफाइनलमा अर्जेन्टिनाले अस्ट्रेलिया र पोल्यान्डले फ्रान्सको सामना गर्नेछ ।

प्रकाशित समय : ०७:४९ बजे

प्रतिक्रिया दिनुहोस्

सम्बन्धित शीर्षकहरु