गृहपृष्ठ ३९ अंकले घट्यो नेप्से, १३ वटै उपसूचक राताम्य
३९ अंकले घट्यो नेप्से, १३ वटै उपसूचक राताम्य
अत्याधिक गुमाउनेमा वित्तीय संस्था
बुधबारको सेयर बजारमा ३९ अंककाे गिरावट आएको छ । नेपाल स्टक एक्सचेन्जका अनुसार सेयर बजार ३९.१५ अंकले घट्दा १९१७.२२ विन्दुमा पुगेको छ ।
आज ३६ लाख ९६ हजार ७२३ कित्ता सेयर किनबेच हुँदा १ अर्ब ४० करोड ७३ लाख रुपैयाँकाे काराेबार भएकाे छ । आज अत्याधिक कमाउनेमा उपर हावेखोला हाइड्रोपावर कम्पनीका साथै ४ म्युचल फण्डहरु रहेका छन् भने अत्याधिक गुमाउनेमा एक्सेल डेभलपमेन्ट बैंकसहित सबै ४ वटा वित्तीय संस्था रहेका छन् ।
नेप्सेमा रहेका १३ उपसूचक नै आज राताम्य रहेका छन् । सर्वाधिक फाइनान्स सूचक ४.७३ प्रतिशतले घटेको छ भने विकास बैंक समूहको ३.१८ प्रतिशतले घटेको छ ।
प्रकाशित समय : १५:२५ बजे
