मुस्ताङका नागरिकलाई सहज बन्दै आँखा उपचार सेवा
कात्तिक नाचको अन्तिम दिन (फाेटाेफिचर)
वि.सं.२०७९ कात्तिक २१ सोमवार १३:२२
10.63K
shares
shares
पाटनको मणिगल क्षेत्र ‘कात्तिक डबली’मा कात्तिक नाचअन्तर्गतको आठौं अर्थात् अन्तिम दिन आइतबार मध्यरातमा नृसिंह अवतार-हिरयण्यकश्यपु वध मञ्चन भएको छ ।
प्रत्येक वर्ष ललितपुर दरबार क्षेत्रमा ‘कात्तिक नाट्य महोत्सव’ मञ्चन गर्ने परम्परानुसार साँझ सो नृत्य प्रदर्शन गरी यो वर्षको नृत्यसमापन भाएको हो । भगवान् विष्णु अनि दैत्यराज हिरण्यकश्यपु तथा भक्त प्रल्हदको कथामा आधारित नृत्य प्रदर्शन गरिने कात्तिक नाच संरक्षण समितिका अध्यक्ष किरण चित्रकारले जानकारी दिए । सो नाटकमार्फत अरूलाई अन्याय तथा अत्याचार गर्न नहुने, यदि गरेमा आफू पनि उक्त जालमै परिने सन्देश छर्न खोजिएको अध्यक्ष चित्रकार बताउँछन् ।
१६९७ सालमा पाटनका राजा सिद्धिनरसिंह मल्लले देश र जनताको कल्याणार्थ सो नाचको सुरुआत गरेको बताइन्छ । कात्तिक नाचको माध्यमद्वारा देशमा आउने बिघ्नबाधा हटी शान्ति र सु-व्यवस्था कायम रहने विश्वास छ ।
