दक्षिण कोरियामा रोजगारी बढे पनि युवा वर्गमा बेरोजगारी कायमै
एमालेकाे संशोधित समानुपातिक सूची भोलि बुझाइने, अन्तिम काँटछाटको जिम्मा ओलीलाई
वि.सं.२०७९ असोज १४ शुक्रवार ०७:४७
10.16K
shares
shares
नेकपा एमालेले समानुपातिक निर्वाचनतर्फको बन्दसूची हेरफेर गर्ने भएको छ । नेताहरुसँग छलफल गरि हेरफेर गरेकाे संशोधित बन्दसूची भोलि बुझाउने भएको हो ।
बिहीबार राति मध्यरातसम्म बसेको बैठकले केही बन्दसूची हेरफेर गरी भोलि बुझाउने तयारी भएको बैठकपछि सञ्चारकर्मीलाई प्रतिक्रिया दिँदै पार्टी उपमहासचिव तथा प्रचार विभाग प्रमुख पृथ्वी सुब्बा गुरुङले बताए । बन्दसूची थपघटको जिम्मा पार्टी अध्यक्ष केपी शर्मा ओलीलाई दिएकाे छ ।
उनले भने, ‘समानुपातिकको लगभग लगभग टुंगो लागिसक्यो । अस्तिन हामीले जे लिस्ट तयार पारेको थियौं । वा प्रस्ताव गरेको थियौं त्यसमा अध्यक्ष ज्यूलाई आवश्यक थप घट गर्न सक्ने अधिकार प्रत्यायोजन गरेका छौं । त्यस्तो परिस्थिति पर्यो भने बरियाताक्रम पनि तोक्नुपर्छ नि यो सबै तोकेर अन्तिम निर्णय गरेर निर्वाचन विभाग मार्फत निर्वाचन आयोगमा प्रस्तुत गर्ने काम चाहिँ केन्द्रिय हेडक्वार्टरले गर्छ । त्यसको अन्तिम टुंगोमा हामी पुग्दैछौं ।’
