साउन २० मा कार्यदल बनाई भदौ पहिलोसाता भागबण्डा टुंग्याउने बताएको सत्ता गठबन्धनले असोज दोस्रो सातासम्ममा पनि सिट बाँडफाँट टुंग्याएको छैन ।

कार्यदल बाँडफाँट गर्न असफल भएपछि शीर्ष नेताहरु बालुवाटारको चक्कर काटिरहेका छन् । तर ‘मेरै गोरुको बाह्रै टक्का’मा सबै दल उत्रिएपछि बाँडफाँट झन जटिल बनेको हो । तथापी १६५ प्रतिनिधि सभामध्ये ८५ सिटमा लगभग कुरा मिलेको गठबन्धनको दाबी छ । बाँकी रहेका सिटहरु निकै पेचिलो बनिरहेका छन् ।

तर गठबन्धन केन्द्रको अलपत्रै छोडि प्रदेशतिर मोडिएको छ । सत्ता गठबन्धनले अब प्रदेशसभाको सिट बाँडफाँटका लागि छलफल थाल्ने भएको छ ।

शनिबार प्रधानमन्त्री निवास बालुवाटारमा बसेको बैठकमा प्रतिनिधि सभाको सिट बाँडफाँटबारे छलफल भएको थियो । अहिलेसम्म भएको सहमतिलाई कायम राख्दै अब प्रदेशसभाबारे छलफल थाल्ने सहमति भएको एक नेताले बताए ।

उनले भने, ‘भोलिदेखि प्रदेशसभाको सिट बाँडफाँटबारे छलफल सुरु गर्ने सहमति भएको छ ।’

प्रकाशित समय : ०९:०४ बजे