संगठनात्मक क्षेत्रमा स्थापना भएको नेपालको पहिलो मदिरा उत्पादक कम्पनी ‘दि नेपाल डिस्टिलरिज’ले आफ्नो बहुचर्चित खुकुरी ब्राण्डअन्तर्गत ‘खुकुरी ह्वाइट रम’ बजारमा ल्याएको छ ।

योसँगै खुकुरी ब्राण्डको पोर्टफोलियोमा अब तीन प्रकारका रम भएका छन् । जस्तै, खुकुरी ट्रिपल एक्स, खुकुरी स्पाइस्ड र खुकुरी ह्वाइट रम रहेका छन् ।

खुकुरी ह्वाइट रम एक स्पष्ट पारदर्शी रम हो, जसले गर्मीयामका पेयको माग पूरा गर्नेछ । यसलाई बरफ(आइस) हालेर पिउन सकिन्छ, वा कोला वा जुसजस्ता मिक्सरसँग पनि पिउन सकिन्छ । ‘खुकुरी ह्वाइट रम’लाई ककटेल बनाउन व्यापकरुपमा प्रयोग गर्न सकिन्छ । मोजितो लोकप्रिय ककटेलमध्ये एक हो, जुन ह्वाइट रम प्रयोग गरी बनाइन्छ ।

ह्वाइट रमको स्थानीय उत्पादन नहुने र आयातीत मदिरामा प्रतिबन्धका कारण नेपालका बारले हिजोआज मोजितो बनाउन अन्य पारदर्शी र सेतो रक्सीको प्रयोग गर्नुपर्ने बाध्यता छ । तर, अब नेपाली उपभोक्ताले फेरि ह्वाइट रमसँग मोजितो पिउन सक्नेछन् । खुकुरी रम मोजितो पारखीलाई अरू कुनै तरल पदार्थ होइन रममा बनेको मोजितो नै अर्डर गर्नसमेत प्रोत्साहन गर्दछ ।

नेपालको मौलिक स्वादलाई कायमै राखेर कम्पनीले खुकुरीको ह्वाइट रम तयार गर्न २ वर्षभन्दा बढी समय लगाएको थियो । ह्वाइट रमलाई विश्वस्तरीय तरल पदार्थको रुपमा विकास गर्नुअघि व्यापक परीक्षण र प्रतिक्रियाको श्रृंखला सञ्चालन गरिएका थिए । यो क्रममा नेपालका सबै प्रिमियमबार र रेष्टुरेन्टबाट अपार समर्थन र सहयोग प्राप्त भएको थियो ।

प्रकाशित समय : १५:५४ बजे