कुमारी क्यापिटल लिमिटेडले संस्थागत परामर्श सेवाअन्तगर्त ‘वे टु लिस्टिङ’ नामको नयाँ सेवा सञ्चालनमा ल्याएको छ ।

यस सेवाअन्तर्गत नेपालको प्रचलित कानुनबमोजिम स्थापना भएका जुनसुकै संगठित संस्थाहरुलाई धितोपत्रको प्राथमिक सार्वजनिक निष्कासनपूर्व गर्नुपर्ने वित्तीय तथा संगठनात्मक पुनर्संरचना लगायतका कार्यमा आवश्यक सम्पूर्ण वित्तीय तथा कानुनी परामर्श सेवा उपलब्ध गराउनेछ ।

यसका साथै, क्यापिटलले धितोपत्रको प्राथमिक सार्वजनिक निष्कासन गर्ने, निष्कासित धितोपत्र नेपाल धितोपत्र विनिमय बजार (NEPSE) मा सूचीकरण गराउने लगायतका सम्पूर्ण सेवा प्रदान गर्नेछ । क्यापिटलको यस सेवाले वास्तविक क्षेत्रका कम्पनीहरुलाई धितोपत्र बजारमा भित्र्याउने धितोपत्र बोर्डको नीतिलाई समेत सहयोग पुर्‍याउने अपेक्षा लिइएको छ ।

क्यापिटलले संस्थागत परामर्श सेवाअन्तर्गत गर्ने कार्यहरु :

• व्यवसायिक तथा वित्तीय योजनाको तयारी
• वित्तीय तथा संगठनात्मक पुनर्संरचना
• वित्तीय श्रोत जुटाउन सहयोग
• कम्पनी मूल्यांकन, तथा परियोजना मूल्यांकन
• प्रबन्धपत्र तथा नियमावली संशोधन
• आन्तरिक नियन्त्रण प्रणालीको विकास तथा प्रभावकारिता मूल्यांकन
• व्यवस्थापकीय परामर्श
• Due Diligence

प्रकाशित समय : १३:५५ बजे