निलम्बित प्रधानन्यायाधीश चोलेन्द्र शम्शेर राणा बयान दिन सिंहदरबार पुगेका छन् ।

प्रतिनिधिसभाको महाभियोग सिफारिस समितिसमक्ष बयान दिन बुधबार राणा सिंहदरबारस्थित कानुन, न्याय तथा मानवअधिकार समितिको बैठक कक्षमा पुगेका हुन् । समितिको गत बुधबारको बैठकले महाभियोग लागेका राणालाई बयानका लागि बोलाएको हो ।

सिंहदरबारभित्र रहेको पुरानो प्रतिनिधि सभाको मूल गेट हुँदै भित्र छिरेका राणालाई संसद सचिवालयका मर्यादापालकहरुले सुरक्षा दिँदै भित्रसम्म पुर्‍याएका थिए । उनलाई संघीय संसदका महासचिवको कार्यकक्ष नजिकको कक्षमा राखिएको छ ।

प्रधानन्यायाधीश राणाविरुद्ध २०७८ फागुन १ मा प्रतिनिधिसभामा महाभियोग दर्ता भएको थियो । सोही दिनदेखि उनी निलम्बनमा परेका थिए ।

गत फागुन २२ मा गठन भएको महाभियोग सिफारिस समितिले २०७९ भदौ १ गतेदेखि काम थालेको थियो ।

प्रकाशित समय : ११:२६ बजे