हिमालयन बैंकले लिमिटेडले आज (बुधबारबाट) ‘हिमालयन बैंक लिमिटेड बण्ड २०८६’ निष्कासन गर्ने भएको छ ।

बैंकले वार्षिक १०.५० प्रतिशत ब्याजदरमा ऋणपत्र निष्कासन गर्ने भएको हो । बैंकले प्रतिकित्ता १ हजार रुपैयाँ अंकित मूल्यका २ अर्ब ५० करोड रुपैयाँ बराबरको २५ लाख कित्ता ऋणपत्र निष्कासन गर्नेछ । उक्त ऋणपत्रको अवधि ७ वर्ष रहनेछ ।

जसमध्ये ४० प्रतिशत अर्थात १ अर्ब रुपैयाँ बराबरको १० लाख कित्ता सर्वसाधारणलाई बिक्री गरी बाँकी ६० प्रतिशत अर्थात १ अबै ५० करोड रुपैयाँ बराबरको १५ लाख हजार कित्ता व्यक्तिगत तवरबाट बिक्री गरिने बैंकले जनाएको छ ।

सर्वसाधारणलाई निष्कासन गरिने ऋणपत्रमध्ये ५ प्रतिशत अर्थात ५० हजार कित्ता ऋणपत्र सामूहिक लगानी कोषहरुका लागि छुट्याइएको छ । लगानीकर्ताले न्यूनतम २५ कित्तादेखि अधिकतम २ लाख ५० हजार कित्ताका लागि आवेदन दिन सक्नेछन् ।

उक्त ऋणपत्र खरीदका लागि भदौ १९ गतेसम्म आवेदन दिन सकिने छ । सो अवधिसम्ममा पूर्ण आवेदन नपरेमा भदौ २९ गतेसम्म आवेदन दिन सकिने छ ।