साताको तेस्रो दिन आज सेयर बजार झिनो अंकले बढेको छ । आज नेप्से परिसूचक २.३३ अंकले बढेर १९९५.३४ को बिन्दुमा कायम भएको छ ।

सोमबार पनि नेप्से झिनाे अंकले बढेकाे थियाे । नेप्से ३.७६ अंकले बढेकाे सेयर बजारमा १ अर्ब २६ करोड रुपैयाँको मात्र कारोबार भएको थियाे । त्यस दिन २२२ कम्पनीका ३४ लाख कित्ता सेयर २६ हजार २४ पटक खरिदबिक्री भएका थिए ।

साेमबारकाे तुलनमा आज कम रकम अर्थात १ अर्ब १ करोड ९५ लाख रुपैयाँको सेयर कारोबार भएको छ । नेपाल स्टक एक्सचेन्जका अनुसार २२६ कम्पनीको २९ लाख १४ हजार ५०५ कित्ता सेयर खरिदबिक्री भएका छन् ।

आज व्यापार, उत्पादन, अन्य, माइक्रोफाइनान्स, सामूहिक लगानी कोष र लगानी समूहको सूचकमा हरियाली छाएकाे छ । बाँकी समूहका सूचक राताम्य छन् । बजारमा आज ७४ कम्पनीको सेयर बढेको छ भने १०५ कम्पनीको घटेको छ । सातवटाको उही छ ।

आज अपरहेवा खोलाका लगानीकर्ताले ८.४५ प्रतिशत कमाएका छन् । नेपाल टेलिकमको सर्वाधिक कारोबार भएको छ ।

सर्वाधिक कमाउने १० कम्पनी :

प्रकाशित समय : १५:३२ बजे