दिवंगत कांग्रेस नेता प्रदीप गिरीको पार्थिव शरीरमा पार्टी कार्यालय सानेपामा आइतबार नेपाली कांग्रेसका सभापति एवं प्रधानमन्त्री शेरबहादुर देउवा, वरिष्ठ नेता रामचन्द्र पौडेल र उपसभापति पूर्णबहादुर खड्काले पार्टीको झण्डा र पुष्प अर्पण गरेका छन् । उनको पार्थिव शरीर अहिले अन्तिम श्रद्धाञ्जलीका लागि कांग्रेस केन्द्रीय कार्यालय सानेपामा राखिएको छ ।

गिरिप्रति श्रद्धाञ्जली अर्पण र्गनका लागि मन्त्रीहरू, विभिन्न दलका नेताहरू कांग्रेस पार्टी कार्यालय सानेपा पुगेका छन् । उनलाई श्रद्धाञ्जली अर्पण गर्नका लागि राप्रपा नेता पशुपतिशमशेर जबरा, मन्त्रिपरिषदका पूर्वअध्यक्ष खिलराज रेग्मी, एमाले नेता प्रदीप ज्ञवाली तथा सुवास नेम्बाङ सानेपा पुगेका हुन् । यस्तै, नेकपा एकीकृत समाजवादीका अध्यक्ष माधवकुमार नेपाल, सभामुख अग्नि सापकोटा, नेसपाका नेता बाबुराम भट्टराई र हिसिला यमी तथा माओवादी केन्द्रका वर्षमान पुन र ओनसरी घर्तीले पनि सानेपा पुगेर गिरिप्रति श्रद्धाञ्जली अर्पण गरे । कांग्रेससहित अरू दलका नेताहरू सानेपा पुग्ने क्रम जारी छ ।

ती थिए, प्रदीप दाइ

गिरिको आइतबार नै पशुपति आर्यघाटमा अन्त्येष्टिको तयारी छ । सिरहाको लहान नगरपालिका-१४, बस्तीपुरमा २००४ सालमा जन्मिएका नेता गिरिको उपचारको क्रममा शनिबार बेलुकी ललितपुरस्थित मेडिसिटी अस्पतालमा निधन भएको थियो ।

(तस्बिरहरू: रासस)

प्रकाशित समय : १४:१२ बजे