धौलागिरी लघुवित्तको आइपीओ मंगलबार बाँडफाँट हुने भएको छ ।

उक्त आइपीओमा कुल १९ लाख ५२ हजार ४६० जनाले २ करोड १७ लाख २१ हजार ५७० कित्ताका लागि आवेदन दिएका छन् । कुल २ अर्ब १७ करोड २१ लाख ५७ हजार रुपैयाँ बरारको आवेदन परेको छ । धौलागिरीले साउन २४ गतेदेखि २९ गतेसम्म सर्वसाधारणका लागि ३ करोड ३१ लाख रुपैयाँ बराबरको आइपीओ बिक्री खुला गरेको थियो ।

यस्तै, बिक्री प्रबन्धक सनराईज क्यापिटलका अनुसार मंगलबार बाँडफाँट गर्ने तयारी गरिएको हो । यसमा मागभन्दा ७०.२२ गुणा बढी आवेदन परेको छ । गोलाप्रथाबाट आइपीओ बाँडफाँट हुने क्यापिटलले जनाएको छ । जसमा ३० हजार ९२९ जनाले मात्र सेयर हात पार्नेछन् । बाँकी १९ लाख २१ हजार ५३१ जनाको भने हात खाली हुनेछ ।

प्रकाशित समय : १२:५३ बजे