बिहीबार नेप्से परिसूचक १९.०६ अंकले र सेन्सिटिभ सूचक ४.०९ अंकले घटेको छ । आव कारोबार रकम पनि घटेकाे छ । आज १ अर्ब ७६ करोड रुपैयाँको मात्र सेयर कारोबार भएको छ ।

कुल २२३ कम्पनीको कारोबारमा ६२ लाख ९८ हजार कित्ता सेयर बिक्री भएको हो । आज सामूहिक लगानी कोषबाहेक सबै उपसूचक राताम्य छन् । आज १५० कम्पनीका लगानीकर्ताले गुमाउँदा ३२ कम्पनीकाले मात्रै कमाए । सबैभन्दा धेरै कमाउनेमा हिमालयन हाइड्रोपावर र अपरहेवाखोला हाइड्रोका लगानीकर्ता छन् । उनीहरुले ९.९९ र ९.९८ प्रतिशत आम्दानी गरेका छन् ।

त्यस्तै गुमाउने लगानीकर्ताले आज ८.२३ प्रतिशतसम्म गुमाएका छन् । युनिलिभर नेपाल, बुद्धभूमि नेपाल हाइड्रोपावर, हिमालयन एभरेस्ट इन्स्योरेन्स, समृद्धि फाइनान्स, सामलिङ पावर कम्पनीका लगानीकर्ताले गुमाए ।

सर्वाधिक कारोबार हुनेमा आज शिवम् सिमेन्ट अगाडि छ । कम्पनीको ७ करोड २७ लाखको सेयर किनबेच भएको छ । त्यसपछि हिमालयन डिस्टिलरीको ६ करोड १२ लाख, नेस्डो समृद्ध लघुवित्त, हिमालयन एभरेस्ट इन्स्योरेन्स र नबिल बैंककाे बढी काराेबार भएकाे हाे ।

यसअघि गत साेमबार नेप्से परिसूचक १७.६८ अंकले ओरालो लाग्दा दुई अर्ब ८५ करोड ७० लाख ७२ हजारकाे काराेबार भएकाे थियाे । मंगलबार पनि घटेकाे सेयर बजारमा दुई अर्ब ८१ करोड ५१ लाख ४४ हजारकाे सेयर किनबेच भयाे । त्यस दिन नेप्से १७.६८ अंकले घटेकाे थियाे ।

बुधबार नेप्से ५.९१ अंकले घटेकाे सेयर बजारमा २ सय १८ कम्पनीको ४६ लाख ४० हजार ८ सय ४४ कित्ता खरिद बिक्री हुँदा १ अर्ब ९३ करोड माथिको सेयर कारोबार भएको थियाे ।

प्रकाशित समय : १५:४१ बजे