काठमाडौं । शिवम् सिमेन्टको विशेष साधारणसभा भदौ १० गते हुने भएको छ ।

कम्पनीको साउन २३ गते बसेको संचालक समितिको बैठकले सभा अनामनगर स्थित आफ्नै कर्पोरेट कार्यालयमा गर्ने निर्णय गरेको हो । यस्तै जुममार्फत पनि सभामा भाग लिन सकिने कम्पनीले जनाएको छ ।

सभामा कम्पनीको स्वीकृत नियमावलीको नियम नं २३ गणपुरक संख्या कूल सेयर संख्याको ६७ प्रतिशत रहेकोलाई संशोधन गरी ५१ प्रतिशत बनाउने सम्बन्धि प्रस्ताव सभामा पेश गर्नेछ ।

यस्तै, सञ्चालक समिति सदस्यहरुको संख्या घटाउने पनि प्रस्ताव रहेको छ । हाल स्वतन्त्र व्यवसायिक विशेषज्ञ सञ्चालकसहित ७ जनाको सञ्चालक समिति रहेकामा घटाएर ६ जनामा सीमित गर्ने प्रस्ताव रहेको छ । कम्पनीले सभा प्रयोजनको लागि भदौ २ गते बुक क्लोज गर्नेछ । त्यसकारण भदौ १ गतेसम्म कायम सेयरधनीले मात्र सभामा भाग लिन सक्ने छन् ।

प्रकाशित समय : ११:०६ बजे