पछिल्लो २४ घण्टामा नेपालमा थप ९ सय ३४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा ५ हजार ३ सय ५१ नमुना परीक्षण गरिएकामध्ये २ हजार ८ सय ६२ जनामा गरिएको आरटी पीसीआर परीक्षणमा ४ सय ९८ जनामा कोरोना संक्रमण पुष्टि भएको हो । साथै २ हजार ४ सय ८९ जनामा गरिएको एन्टिजेन परीक्षणमा ४ सय ३६ जनामा कोरोना संक्रमण पुष्टि भएको हो ।

सोमबार कोरोना संक्रमणबाट एक जनाको ज्यान गएको छ । योसँगै कोरोनाबाट मृत्यु हुनेको संख्या ११ हजार ९ सय ७२ जना पुगेको छ ।

मन्त्रालयका अनुसार सोमबार थप ४ सय ७० जना कोरोनामुक्त भएका छन् । हालसम्म ९ लाख ७२ हजार ९ सय ६७ जनाले कोरोनालाई जितेका छन् । निको हुने दर ९८.२ प्रतिशत छ ।

नेपालमा हाल सक्रिय कोरोना संक्रमितको संख्या ५ हजार ६ सय ८६ जना पुगेको छ । संक्रमितमध्ये ५ हजार ५ सय ९ जना होम आइसोलेसनमा र १ सय ७७ जना संस्थागत आइसोलेसनमा, ४७ जना आइसीयूमा र ३ जना भेन्टिलेटरमा उपचाररत छन् ।

प्रकाशित समय : १५:३५ बजे