भोटेकोशी बाढीका कारण घरपरिवार र व्यवसायम ७९ अर्बको क्षति : आयोग
कारोबार रकमसँगै घट्यो सेयर बजार
वि.सं.२०७९ साउन २० शुक्रवार १४:४०
8.53K
shares
shares
सेयर बजारमा करेक्सन आज पनि जारी रह्यो । सेयर कारोबारको अन्तिम दिन शुक्रबार नेप्से परिसूचक ३४.६१ अंकले घटेर २११३.५५ बिन्दुमा अडिएको छ ।
नेप्से दोहोरो अंकले ओरालो लागेसँगै कारोबार रकम पनि घटेको छ । आज कुल २ अर्ब ६२ करोड रूपैयाँको सेयर कारोबार भयो । बिहीबार ३ अर्ब ७६ करोड ८० लाख ७९ हजार १७३ रूपैयाँमा सेयर खरिदब्रिकी भएको थियो ।
शुक्रबार २१३ कम्पनीको ६४ लाख १६ हजार ६२९ कित्ता सेयर २ अर्ब ६२ करोड ६१ लाख ५४ हजार ९४८ रूपैयाँमा कारोबार भयो ।
कारोबार रकमका आधारमा शिवम् सिमेन्ट्स शीर्ष स्थानमा रह्यो । सो कम्पनीको १५ करोड बढीको सेयर कारोबार भयो ।
कारोबारमा आएका १३ समूहमध्ये १२ वटाको सूचक घट्यो भने एकको मात्रै बढ्यो । यसदिन फाइनान्स समूहको सूचक सर्वाधिक ३.४ प्रतिशतले घट्यो । राताम्मे भएको सेयर बजारमा म्युचुअल फण्डको मात्रै सूचक बढेको हो । सो समूहको सूचक ०.८९ प्रतिशतले बढ्यो ।
