moneygram ime

गृहपृष्ठ कारोबार रकमसँगै घट्यो सेयर बजार

कारोबार रकमसँगै घट्यो सेयर बजार

कारोबार रकमसँगै घट्यो सेयर बजार
citizen life insurance

केही दिनदेखि बढ्दो क्रममा रहेको सेयर बजारमा मंगलबार सामान्य अंकले घटेको छ । मंगलबार नेप्से सूचक २.७६ अंकले घटेर २ हजार १९३.४८ बिन्दुमा झरेको हो ।

मंगलबार २ हजार १७० बिन्दुसम्म झरेको नेप्से सूचक अन्तिम समयमा पुनः बढेर २ हजार १९३ बिन्दुमा बन्द भएको छ । यस दिन कारोबार रकम भने घटेको छ । सोमबार ४ अर्ब बढीको सेयर कारोबार भएकोमा मंगलबार ३ अर्ब २९ करोड ३२ लाख ३४ हजार ७०५ रुपैयाँ बराबरको ७८ लाख १३ हजार १०२ कित्ता सेयर कारोबार भएको छ ।

मंगलबार फाइनान्स, हाइड्रोपावर र व्यापार उपसमूहमा लगानीकर्ताको आकर्षण रहँदा यी तीनै उपसमूहको सूचक १ प्रतिशतभन्दा धेरैले बढेको छ । कारोबारमा आएका १३ उपसमूहमा ७ उपसमूहको सूचक भने नकारात्मक छन् ।

यस दिन विन्दवासिनी हाइड्रोपावरको सेयरमूल्य सबैभन्दा धेरै ९.९९ प्रतिशतले बढेको छ भने सामलिंग पावरको ९.९८ प्रतिशत, हिमाल दोलखा हाइड्रोपावरको ९.९७ प्रतिशत र रिभर फल्स हाइड्रोपावरको ८.५३ प्रतिशतले बढेको छ ।

यता राष्ट्र उत्थान लघुवित्तको सेयरमूल्य सबैभन्दा धेरै ४.२४ प्रतिशतले घटेको छ भने किसान लघुवित्तको ३.९० प्रतिशत, गणपति लघुवित्तको ३.६४ प्रतिशत र सपोर्ट माइक्रोफाइनान्सको ३.३८ प्रतिशतले घटेको छ ।

मंगलबार पनि शिवम् सिमेन्टको सबैभन्दा धेरै २९ करोड ३२ लाख रुपैयाँको सेयर कारोबार भएको छ भने हिमालयन डिस्टिलरीको ९ करोड ९५ लाख, फरवार्ड माइक्रोफाइनान्सको ९ करोड २४ लाख र गुडविल फाइनान्सको ९ करोड ४ लाख रुपैयाँको सेयर कारोबार भएको छ।

प्रकाशित समय १७:०६ बजे

प्रतिक्रिया दिनुहोस्

सम्बन्धित शीर्षकहरु

muktinath bikas bank