नेपाली कांग्रेसका केन्द्रीय सदस्य डा. शेखर कोइरालाले नेपाललाई श्रीलंका हुनबाट जोगाउन भ्रष्टाचार निर्मूल गर्नुपर्नेमा जोड दिएका छन् । सबैले भ्रष्टाचार गर्दैनौँ भनेर प्रतिबद्ध भएको अवस्थामा मुलुक श्रीलंका हुनबाट जोगिने उनको भनाइ थियो ।

नवलपरासी (बर्दघाट-सुस्तापूर्व)को गैँडाकोटमा आयोजित कार्यक्रममा केन्द्रीय सदस्य डा. कोइरालाले भने, ‘हाम्रा नेतृत्वहरु अहिले पनि के नेपाल श्रीलंकाजस्तै हुन्छ भन्दै हिँडेका छन् तर सुशासन दिन्छौँ, पारदर्शिता अपनाउँछौँ, भ्रष्टाचार गर्दैनौँ भन्नुपर्छ । यति गर्न हामी श्रीलंका बन्दैनौँ ।’

देश अप्ठ्यारो परिस्थितिबाट भने अगाडि बढिरहेकोे छ तर नेतृत्वहरुले बुझेर पनि बुझ पचाएका टिप्पणी उनले गरे । ‘नेपाल श्रीलंका बन्न लागेकोप्रति सबै नेपालीलाई चिन्ता छ,’ नेता डा. काइरालाले भने, ‘सबै नेपालीले कम्मर कसेर अठोट गरे अहिलेको अवस्थाबाट पार लगाउन सकिन्छ ।’

प्रकाशित समय : १७:०८ बजे