कोरोनाभाइरस संक्रमितको संख्या केही दिनयता फेरि बढ्न थालेको छ । पछिल्लो २४ घन्टाभित्र विभिन्न जिल्लाका २ सय १० जनामा कोरोनाभाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका प्रवक्ता डा. जागेश्वर गौतमले दिएको जानकारीअनुसार थपिएकासहित देशैभर संक्रमितको संख्या १९ हजार २ सय ७३ पुगेको छ । गत २४ घण्टामा १४६ जना कोरोना संक्रमित निको भएर अस्पतालबाट डिस्चार्ज भएका छन् । यससँगै हालसम्म डिस्चार्ज हुनेहरुको कुलसंख्या १४ हजार २१ पुगेकाे छ ।

प्रवक्ता डा. गाैतमले पछिल्लो २४ घण्टामा ६ हजार ३७ जनाकाे पीसीआर परीक्षण भएकाे बताए । यस्तै हालसम्म देशभर १४ हजार ४ सय ७१ जना क्वारेन्टिनमा रहेका छन् । ४९ जनाको काेराेना संक्रमणका कारण ज्यान गएको छ ।

प्रकाशित समय : २२:१४ बजे