काठमाडौं । ‘नाडा अटो शो २०१८’ मा पहिलो पटक सार्वजनिक भएको टीभीएस एनटर्क १२५ छोटो समयमै नेपालमा सर्वाधिक सफल स्कुटरको रुपमा स्थापित भएको छ । जगदम्बा मोटर्सले आज भर्चुअल कार्यक्रम गर्दै टीभीएस एनटर्क १२५ नेपालमा सर्वाधिक सफल स्कुटर बन्न सफल भएको जगदम्बा मोटर्स कम्पनीले जनाएको छ ।

उक्त भर्चुअल कार्यक्रममा टीभीएस एनटर्क १२५ का ब्राण्ड एम्बेसेडर अभिनेता प्रदीप खड्का र अभिनेत्री स्वस्तिमा खड्काको पनि उपस्थिति रहेको थियो । ग्राहकका इच्छा र चाहानाअनुरुप यसले प्रदर्शन गर्न सकेका कारण यसले छोटो समयमा नेपालमा सफलता प्राप्त गरेको छ ।
जगदम्बा मोटर्सले नेपालमा नै पहिलो स्मार्ट कनेक्ट सहितको पावरफूल स्कुटर भित्र्याएको थियो । हाल यो स्कुटर विभिन्न ३ भेरियन्टमा उपलब्ध रहेको छ । ड्रम ब्रेक, डिस्क ब्रेक र रेश एडिसन गरी तीन भेरियन्टमा रहेको यो स्कुटर महिला वर्गमा मात्र होइन युवा तथा जुनसुकै उमेर समूहका चालकलाई सुहाउँदो रहेको छ ।

भारतमा स्कुटर अफ दि इयर अवार्ड, अटो कार अर्वाड, वेष्ट कम्युटर टु ह्वीलर अवार्ड जस्ता विभिन्न अवार्ड जित्न सफल रहेको एनटर्क रेसिङ डीएनएबाट प्रेरित रहेको छ । नेपालमा १२५ सीसी सेग्मेन्टमा सर्वाधिक सफल स्कुटर एनटर्क १२५ सीसी सेग्मेन्टका अन्य स्कुटरको तुलनामा धेरै फिचर, बढी पावर तथा आर्कषक आवरणका कारण चर्चामा रहँदै आएको छ ।

एनटर्क १२५ को सफलतामा जगदम्बा मोटर्सका भाइस प्रसिडेन्ट दीपक अग्रवाल भने, ‘सेग्मेन्टमै सर्वाधिक फिचर र टीभीएसको नयाँ डिजाइनले एनटर्क १२५ लाई सफल बनाएको हो । यसमा रहेका हरेक फिचर चालकलाई सहज बनाउन सहयोग गर्ने किसिमका छन् । यसको पावर र डिजाइनले जो कोहीलाई सहजै लोभ्याउने किसिमको छ ।’

यसमा सेग्मेन्टमा नै पहिलो स्मार्ट कनेक्ट फिचर दिएको छ, जसमा चालकलाई हेल्मेट वार्निङ, ब्लुटुथ कनेक्ट, कल अर्लट, एमएस अर्लट, जीपीएस, टन वाइ टर्न नेभिगेशनजस्ता कि फिचर रहेको उनले बताए । एनटर्क १२५ मा १२४.७ सीसी सिगंल सिलिन्डर, एयर कुल्ड इन्जिन रहेको छ । यसले ९.५ पीएस तथा १०.५ एनएम टर्क जेनेरेट गर्छ । यो पावर फिगर अन्य प्रतिस्पर्धी १२५ सीसीको भन्दा केही धेरै र १५० सीसीभन्दा केही मात्र कम हो ।

यसको पावर तथा स्मार्ट कनेन्ट फिचरले एनटर्कलाई छोटो समयमा नेपालको नम्बर १ स्कुटर बन्न सफल भएको उनले बताए । यससँगै दशैं तिहारलाई लक्षित गर्दै कम्पनीले ‘टीभीएस दशैंको आशा’ योजना पनि ल्याएको छ । ग्राहकहरुले टीभीएस मोटरसाइकल मो खरिदमा ९ हजार नगद छुट पाउनेछन् भने स्कुटरको खरिदमा सात हजार नगद छुट पाउँनेछन् ।

साथै ग्राहकहरुले शून्य प्रतिशत ब्याजमा फाइनान्सको सुविधा पनि पाउन सक्नेछन् र एक जना भाग्यशाली ग्राहकले लक्की ड्रमार्फत् आरआर ३१० मोटरसाइकल पनि जित्न सक्नेछन् । यो योजना देशभरका टीभीएसको शोरुमहरुमा उपलब्ध हुनेछ ।

प्रकाशित समय : १६:३६ बजे