नेपाल कांग्रेसका उपसभापति पूर्णबहादुर खड्काले अर्थमन्त्री जनार्दन शर्माको विवादबारे तत्काल छानबिन गर्न माग गरेका छन् । बजेट निर्माणका विषयमा विवाद भएसँगै यसलाई संसदीय समिति बनाएर छानबिन गर्नुपर्ने माग खड्काको छ । यसअघि महामन्त्री गगनकुमार थापाले समेत छानबिन गर्न वा राजीनामा गर्न माग गरेका थिए ।

खड्काले बजेट निर्माणका बेलाको विषय संसद र संसद बाहिर चासोका साथ हेरिएकाले यसलाई विश्वासिलो तरिकाले समाधान गर्नुपर्ने भनेका छन् ।

‘बजेट निर्माणको बेलाको विषयसमेतलाई जोडेर संसद र आमजनमानसको गम्भीर चासोको विषय बनिसकेपछि यो विषयलाई विश्वासिलो तरिकाले समाधान गर्न संसदिय छानबिन समिति बनाएर यथार्थ कुरा सार्वजनिक गरिनु ठीक हुन्छ । विगतमा पनि संसदको यस्तो परम्परा छ । बरु ढिलो नगरौं आजै टुंगाे लगाउँ,’ खड्काले भनेका छन् ।

प्रकाशित समय : १४:५३ बजे